Shah ktah kti u nongialam HYC hajan State Central Library

Shillong: Myn hynnin ka sngi, katba dang iaid shakhmat ka ‘special session’ ha ing thaw ain ka jylla Meghalaya, lah ioh khubor ba shah ktah kti u nong ialam ka seng Hynniewtrep Youth Council (HYC) jong ka Mawlai Circle u Donbok Kharlyngdoh hapoh State Central Library Shillong.

Kat kum ki khubor ba ioh lum katba U Donbok, u mut ban rung shapoh State Central Library ki la don kiba ia lum lang ha ka jingialang paidbah ka Khasi Student Union (KSU) bad ki briew bym ithuh, kiba la pyn sangeh ia ka kali ba u shong ba sdang ban ktah kti ia u.Ha kane ka jing jia u Donbok u la mynsaw na ka bynta jong ka khlieh bad ka kali jong u ruh ka la shah pyn julor malu mala.
Nalor katne ka la don ruh ki khubor hamsaia ba u Robert Kharjahrin u ba dei President jong ka HYC ruh u la shah ktah kti, tangba ha ba kren ba ki lad pathai khubor kam dei satia kumta.