Nongpoh:U bah Lascretice Lyngdoh na ka shnong Mai khuli bad kaba hap hapoh ka Pillangkata Police Outpost, u la ujor da ka ejehar pyrshah ia u Kleden Sangma, Rang bah Shnong ka shnong Maikhuli, halor ka jingkynnoh ba u la shah shoh shah bom ha ka kynhun kaba la wan ialam da utei u Rangbah Shnong.
Ha ka shithi ejahar kaba u la ujor sha ki Pulit ka Pillangkata, u bah Lascretice Lyngdoh, u la kynnoh ba katei ka jingjia shah ktahkti ia u lem bad ia u khun jong u, ka la jia mynha ka 16 tarik mynta u bnai ha ka por 11 baje ie ei mynstep, ha kawei ka jaka kaba don hajan ka khyrdop jong ka tnad Forest.
Katkum ka ejahar, la pynpaw ba ha katei ka sngi, ma u lem bad u khun, ki la leit ban peit ia ka jaka jong ka kurim jong u kaba don hapoh katei ka shnong, hynrei ha kaba kum katei ka por haba ki la poi ha katei ka jaka, la don kumba 4 ne 5 ngut ki briew kiba la ieng hapoh katei ka jaka bad haba utei u rangbah u la pyrshang ban kylli na kitei ki briew ia ka kyrteng jong ki briew kiba don ha syndah ka jaka jong ki, la kynnoh ba kitei ki 4 ne 5 ngut ki briew, ki la pyntip pynban sha u Kleden Sangma bad uba la wan poi noh mar mar hi ha katei ka jaka.
La kynnoh ruh ba utei U Rangbah Shnong, tang mar ia poi ha katei ka jaka, ki khlem kren satia ia kitei ki shikpa shi khun, hynrei ki la tied la bom pynban ia u Bah Lascretice Lyngdoh bad ia u khun jong u da ki tiar pynmynsaw, kumta ha ka jingiakhun, kitei ki shikpa shi khun, ki la ioh ban phet noh sha Pillangkata Police Outpost, khnang ban lait na kino kino ki jingmynsaw.
Phi don ban ong eiei?