Shah ktah jur ki jingthung jong ki nongrep, ba ther u phria ha ki shnong ka thain Nartiang

Nartiang: Ka jinghap phria kaba la jia hynnin ka sngi Saitjain ha kiba bun tylli ki shnong kiba don ha ka thain Nartiang, ka la wanrah ia ka jingduhnong kaba khraw ia ki nongrep kiba don ha katei ka thain, namar lyngba katei ka jinghap Phria, ka a pynjulor lut ia ki jingthung jingtep jong ki nongrep jong katei ka thain.

Haba pyntip sha u Nongthohkhubor, u Ma Dawio Dkhar, Waheh ka Shnong Modop, u la iathuh ba katei ka jinghap Phria, ka la jia ha ka por 2 baje ei ei nohphaisngi, namar ha katei ka por Phria uba la wan ha ka dur u Slap bad uba la neh katto katne por eiei bad uba la ther naphang, tad haduh ba baroh ki jingthung jongtep ki la julor lut khait.

Ki jingthung jong ki nongrep kiba la shah ktah eh na katei ka jinghap Phria, ki long kum u Sohsaw, ki Riewhadem, ki Presbin lem bad kiwei kiwei ki jait jingthung jong ki nongrep, ym tang ha ka shnong Modop, hynrei ha kiba bun ki shnong kiba don ha katei ka thain.