Shah kren bein ki samla kynthei na dong mihngi, ha ki bor pyniaid ka Delhi University

New Delhi: Ha Delhi, la iathuh ba ka Commission for Women (DCW), ka la shimti ban tohkit, halor ka jing shah beh ki samla pule kynthei, kiba na ka thain shatei lam mihngi ha ki bor pyniaid ka Delhi University. Kitei ki samla, ki la dei ban shong slem ha katei ka University, namar ba kim don jaka sah shawei pat bad ba kim lah ruh ban leit phai sha la iing, na kane ka jingpakhang shnong ka sorkar India, hynrei la iathuh ba ki bor pyniaid ki la hukum, ba ki dei ban mih noh bad ki da kren ruh ki ktien pyn iapher jaitbynriew.

Ki samla pule kiba don ha ka lama jong ka Northeastern women students of Delhi University, ki la phah ia ka jing ujor sha ka Delhi Commission for Women (DCW) bad ka commission, ka la khot hajir ia U Registrar jong ka Delhi University, halor katei ka jing kynnoh.