Shah komputer na Secretariat

Shillong, 29 Risaw:
Ka Secretariat ka dei ka jaka ba ka bor ba hakhliehduh ka jylla ka shong, ka dei ruh ka jaka kaba ki nongpahara ki la don bun syrtap hakab ki briew kiba na bar kim lah ban rung sha katei ka jaka khlem da pyni ia ki kot ki sla kiba biang. Hynrei kaba sngewphylla ka long ban a katei ka jaka kaba da ki syrtap ki nongpahara ki la don , ka la don ka jingjia shah tuh.
Mynta ka sngi ki tiar computer kiba kynthup ia ka Centraal Processing Unit, Key Board bad u Mouse ki la shah tuh na Addl. Secretariat bad ki dei ki tiar ba la shah tuh ki dei na ka kamra treikam jong u Parliamentary Secretary ka Information & Public Relations u Rophul S Marak uba long ruh u nongmihkhmat ka Rongara Siju.
U Peon katei ka ophis u la pyntip sha u Parliamentary Secretary ha ka por 12:30 baje mynsngi shaphang ka jingjah kitei ki tiar napoh ophis treikam jong u, iathuh ka FIR ba la ujor halor katei ka jingjia. U wei u phisar pulit haba kren shaphang katei ka jingjia u la ong ba haduh mynta ki pulit kim pat lah ban ong la katei ka jingjia ka dei na ki briew kiba na bar ne da kiwei pat.
Lah ban kdew hangne ba kitei ki tiar ba la shah tuh napoh Secretariat kim da dei eh ki tiar kiba rem dor, hynrei kaei kaba paw hi ka long ka dor jong ka Secretariat kaba la syrtap da ki pulit pahara kaba eh rung ban ioh rung kiba na bar shapoh khlem ki jingpynshisha kiba biang.