Shah khrai khlieh, u nongdie dukan, ba kyrshan ia ka Nupur Sharma

Ka la don ka jingjia kaba sngewtriem shi katdei, ha kaba uwei u nongsuh jain, uba dei u hindu, ula shah khrai khlieh bad kitei ki nongpyniap, ki la pyni dur ialade ha ka video; ha ryngkat bad ki tukri, ba ki pyndonkam, ha kaba ki la pyniap ia utei u briew, tang na ka daw, ba u kyrshan ia ka Nupur Sharma bad u pyni paidbah ha ki social media.

U Superintendent of Police jong ka Udaipur, u iathuh ba ka jingtohkit, ka dang iaid shakhmat, ban wad ia kito kiba donkti ha katei ka jingjia. La thaw ruh ia ka kynhun ki pulit, ba kin wad ia kitei kiba donkti ha katei ka jingjia kaba triem shi katdei bad yn sa tian bishar, ia kitei ki briew, kiba kam trai, halor katei ka jingjia.