Shah khang kdong ka black tiger ha ki HYC, ba pynkhein soskular

Shillong: Ka seng Hynniewtrep youth council, (hyc) Narpuh circle mynta ka sngi kumba 11baje eiei hapoh ka jingialam u General secretary Rangbah Albinus lyngdoh ki la leit dawa ia ka company Black tiger cement (Gold stone cement) ban pyntrei kam mardor ia ka minimum wage act, katkum ki notification ba la phah da ka tnad labour department bad ruh ia ki policy pynrung kam ia ki trai jylla, kat kum ka soskular hapdeng ka sorkar jylla bad ka company.

Shuh shuh la ong ba katei ka seng ha shwa ban dawa ia katei ka jingthmu ka jong ka,ka seng ka la khang khyrdep lut ruh baroh ia ki office trei kam jong ka tei ka company bad da ka ba phah mih ia ki nongtrei jong ka shabar baroh bad kumta hadien ba la shah khang katei ka company ka la khot ia ka seng ban ia kren bad ka la kular ban pyntrei kam bad ban pdiang ia ki jingdawa ka seng, hynrei ka la pan por pat kum ba arphew sngi eiei na ka seng, ong u wei na ki ba long heh ha katei ka company U S. Prasad.

Kumta tang hadien 3 kynta ka seng ka la shah ban plie biang ia katei ka company bad ka seng ka la ong ruh ba lada kumba la dep ia kren bad ka tei ka company lada kam patiaw ka seng kan leh tyngeh ia kaba donkam, ong ka kyrwoh na U Publicity Secretary ka seng, u samla P Syiemlieh.