Shah khang dam 2 tylli ki dukan ha Iewduh

Shillong, 22 Rymphang:
Ar tyli ki kudam la shah khang kdam da ki pulit  Enforcement Wing ka KHADC mynta ka sngi hapoh ka jingialam u Superintendent u Bah Poland Sohphoh namar ba kine ki dukan kim don ki kot ki sla ba biang wat hadien ba ka KHADC ka la dep ai jingthoh naduh kham mynshwa. San tylli kiwei pat ki dukan jong ki bar jylla, la ai jingthoh ba ki dei ban pynbiang ia ki kot ki sla, lym kumta yn shah trei ha ka KHADC.
Ia ki pulit ka KHADC la synrang land da ki dkhot ka Nong Iew Association (NIA).
U Bah  Korbar L Nonglait u President ka NIA u la ong ba ka seng kam pyrshah ia ka jingai wai ia ki bar jylla ia ki dukan jong ki  tangba ki dei ban iaid katkum ka ain ka KHADC.
“Ki trai dukan kim dei ban pyrkhat tang ban ioh nong hynrei ki dei ban long husiar ban ai wai ia ki dukan jongki sha ki briew bym dei Khasi “, la ong u Bah Nonglait.
U la ong ba ka daw ba ka NIA ka shim ia kane ka sienjam ka long ban iada na ki kam bymman kiba ju jia khah khah ha Iewduh.