Shillong:Halor ka jingiadei bad ki arngut ki nongialam Balang (ba kynthup ia U Pastor RG Laloo bad kumjuh ia U Tymmenbasan T Nongkhlaw), kiba na Shillong bad kiba la kynnoh, ba ki la shah shoh ha Bihar; U Superintendent of Police, East Khasi hills, Shillong, ula phah kyrwoh, mynta ka janmiet, ba U Senior Superintendent of Police, Patna bad U Superintendent of Police (City) East Patna, ki la iakren bad ki pulit jong ka East Khasi Hills bad kumjuh ia U Director General of Police, Meghalaya bad la ioh jingtip, ba mynta ka sngi, ha ka por 1.30 nohsngi, ka la mih ka hamsaia ba ka don ka jingpynkylla niam, ha kawei ka iing bad hangta, ka la mih ka jing ia hylla bad kumjuh sa ka jingiakren khlem akor ia ki briew kiba don ha katei ka iing ha Patna.
La iathuh ba ki pulit na Alamganj PS, ki la poi ha katei ka jaka bad ki la ialam noh ia ki sha thanat, ban ai jingiada ia ki bad ki khlem mynsaw eiei ruh em. La iathuh, ba la bthah ia ki pulit ka Bihar, ba kin ai jingiada ia kitei ki arngut, ba kin buh ia ki, ha ka liengsuin, ba kin wan phai sha Shillong. Ki pulit ka Bihar, ki la shimti ban ujor, katba kum ki kyndon ain, ia kitei kiba pynkulmar.
Husiar ho ,wat ju tamti sha jong kiwei..ioh ka shitom ei khamakha.