Shah kem uba donkti ban batbor

Jowai, 24 Risaw:
Uwei u briew uba la tip kyrteng kum u Shilas Sten na ka shnong Mukroh u la shah kem mynta ka sngi ha ki pulit Jowai da ka jingiatreilang ki Pulit Nartiang halor ka jingdonkti jong u ban bat tnga jubor ia la ka kur lajong ha katei ka shnong Mukroh khyndiat taiew mynshwa.
Utei u briew u la don bun tylli ki kes ha Jowai bad kynthup ia ka kes byrngem pyniap briew ha kaba u la ioh ruh ia ka jamin shwa ban shah kem halor katei ka jingbyrngem briew jong u.
Halor katei ka kes ba u la ioh jamin lypa, u la wan mih mynta ka sngi ha khmat u IC ka Nartiang bad namar ba u dang don sa katei ka kes bat tnga jubor, ki pulit Nartiang ki la pyntip sha ki pulit Jowai ban wan kem ia u bad mynta u dang don ha kti ki pulit JOwai ban tohkit bniah ia u.