Ahmedabad:Ki Pulit jong ka jylla Gujarat, ki la kem noh ia u trai jong kawei ka dukan Spa, u ba la paw ha kawei ka camera CCTV ba la u shoh bad patrong ia kawei ka riew kynthei kaba dei na jylla Nagaland ha Ahmedabad.
Une u briew ba la tip kyrteng ruh kum u Mohsin Rangrez, uba dei u trai jong katei ka Spa ha Ahmedabad, u la shoh bad dat ia kane ka nong Nagaland kaba ia shong lang ha kane ka dukan ha ka sngi palei ka 28 tarik Nailur 2023.
Ki Pulit ki la kem noh ia une u briew ba shoh ia ka kynthei ha Ahmedabad.
U Mohsin Rangrez, u dei u ba sah ha kawei ka jaka ba la tip kum ka Danilimda bad la kem noh ia u, ha ka por ba u leit ban iakynduh ia kane ka kynthei ha kawei ka Gurudwara.
Ka jingkem ia u ka la jia, tang hadien shisngi ba ka dur video jong kane ka jingleh tohmet ia ka kynthei briew, ka la saphriang ha ki rynsan social media.
Ki Pulit ki la shimti ia ka ejahar halor kane bad ka jingtohkit mynta ka dang iaid shakhmat.
Phi don ban ong eiei?