Shillong: Ki pulit jong ka West Khasi Hills, ki la kem ia u trai jong ka par dewiong, kaba don ha Goreng, kaba hap ha ka thain Urak ha Riangdim, kaba la twa ha ka sngi thohdieng, ha kaba uwei u briew, ula iap bad sa uwei pat ula mynsaw.
La iathuh da ki lad khubor, ba u trai jong katei ka par dewiong, u dei U Hubath R Sangma na Songsak Gurakalam, Shallang.
La iathuh ruh, ba na katei ka jaka, la ioh sei ia 7 haduh 8 ton u dewiong, 2 tylli ki thela, lane ki kali tan dewiong, la ioh kurup na katei ka krem bad sa ki mohkhiew bad kiwei de ki tiar.
Katei ka jaka, ka don ha ka lawbah lawsan, ha Riangdim bad lah ban poi sha katei ka jaka, da kaba iaid kjat haduh 2 kynta, kaba jngai kumba 25 kilometre.
Kitei ki arngut ki nong bylla, ki la leit sha katei ka par dewiong, ha ka step jong ka sngi thohdieng, hynrei ynda haba ki la rung shapoh, ka la twa katei ka par dewiong, ha kaba U Lependro Sangma, ula iap noh bad U Hendit Momin, ula mynsaw jur. La kit ia ka met iap sha ka Shallang PHC, na ka bynta ban eksamin, katba ia uba mynsaw, la phah sumar ha Shallang PHC.
Nga sngewlyngngoh wat la ka kam tih dewiong ka la iaid beit khlem jingpynwit ka sorkar MDA pat ka nud ban pyntip sha parliament ba kam don jingtih dewiong shuh la 4snem mynta. Kum kaei ngan pynsyriem ia kane Ka Sorkar u Conrad