Shah kem u snar khaïi tiar siat sha ki lehnoh

Shillong, 19’lyngkot:
Dang step phyrngap mynta ka 19 tarik u kyllalyngkot ha ka por 2:30 baje ki pulit ryngkat ka jingiatreilang bad ki shipai 6/5 Gorkha Rifle kiba don ha Assam ki la ioh kem ia uwei u snar khaïi tiar siat uba la thmu ban pynpoi ia ki tiar siat jong u sha ki lehnoh ha Garo Hills. Katkum ka khubor na ki pulit ki la iathuh ba ki la kem ia uwei u briew uba la tip kyrteng kum u Tengman D Shira (25) na ka shnong Thapa Agitchak kaba hap hapoh Resubelpara PS ha NGH bad la kem ia u na kate ihi ka shnong.
La iathuh ba ka jingkem ia utei u briew ka dei hadien ba la ioh jingtip kaba thikna na ki bor syntiat ba u dei uba ju leh ia katei ka jait kam.Na u Tengman la ioh kurup kawei ka 7.65 pistol, ka 9mm pistol, 4 tylli ki magazine bad kawei ka pistol ba la shna ha China, la rejistar case pyrshah ia u.