Shah kem u snar GNLA

Shillong, 12 Nailar:
Ki pulit ka jylla mynta ka sngi ki la ioh kem ia uwei u dkhot ka
Garo National Liberation Army (GNLA) na iew Ringre. La kem ia utei u GNLA ha ka por 12:20 baje mynsngi, u tei uba la shah kem u dei uba la tip kyrteng kum u Dominic R. Marak, 20 snem karta uba na Dobasipara. Ki pulit ki la ioh kurup T.37,500 tyngka ka pisa na u. La phah ia u da u Hedio ban lum pisa, iathuh u SP ka West Garo Hills u Mukesh Singh, uba la ong ba u Hedio u dei u Commander ka GNLA. Ka khubor pulit ka la iathuh ba ka jingtohkit ka dang iaid shakhmat.