Jowai: Uwei u shipai BSF uba la tip kyrteng kum u Dipankar Ghosh (28) u la shah kem ha ki pulit ka East Jaintia halor ka jingkynnoh ba u la jrong kti ia kawei ka samla khynnah kaba dang 16 snem ka rta ha ka miet sngi Balang.
Katkum ka khubor na ki pulit, ki la iathuh ba ka jingjia ka la jia ha ka por kumba 9 shiteng eiei hynnin ka miet ha kawei ka dukan jong ka hynmen jong ka kaba don ha Chiehruphi ha jan ka Topcem Cement.
Katei ka hynmen jong ka ka la leit ban pyntip sha ki pulit ha lumshnong ha ka por kumba 10:30 pm eiei.
Katei ka hynmen kala iathuh ha ki pulit ba hynnin ka miet ki shipai BSF kiba don ha Topcem Cement ki la wan sha dukan jong ka ha kaba uwei na ki u la jrongkti bad thmu ban bat bor ia ka para jong ka ha kapor ba ka dang thmu ban leit sha painkhana.
La ong ba katei ka samla lud ka la lyniar bad ha ba ka hynmen jong ka ka la mih ban leit iarap ka la iohi ia uwei u shipai ba phong uniform u la phet shapoh u pud u sam ka Topcem Cement.
Na ka liang u SP ka East Jaintia Hills u la iathuh ba mynta ka step la ithuh ia utei u shipai bad ka kem noh ia u bad la pynngat ia u hapoh ka kyndon POCSO