Shah kem U Rangbah Shnong & 2ngut ha Mawryngkang

Shillong, 26 Naitung:
Lai ngut ki nongkit kam shnong ka Mawryng kang kaba don sharum ka Pynursla, ki la shah kem mynta ka sngi. Kine ki nongkitkam shnong ki la shah kem hadien ba ki la leit ban aiti hi ha u SP ka East Khasi Hills hadien ba ki la shah ujor FIR ha u DC ka East Khasi Hills.
Ha ka jingshisha ki pulit ki la leit sha katei ka shnong ban kem ia ki ha kane ka sngi Nyngkong hynrei ki la phet rieh noh. Kiba shah kem ki long u Kerini Khongsit u rangbah shnong, Bah Thwer Tyn song Asst Rangbah Shnong, bad u Bah Jwatbor Khongmali u secretary ka shnong Mawryngkang.
Ha ka jingshisha ki pulit hapoh ka jingialam u SDPO u Bah Ian Onel Swer bad u ADM W Biam ki la hiar sha katei ka shnong ha ka 25 tarik Naitung ban kem ia ki hynrei ki la phet krad noh na shnong bad khlem lapdien satia. “Dei hynne ka sngi ba ki la wan aiti hi hakhmat u SP ka East Khasi Hills”, la ong u SP Bah Mariahom Kharkhrang.
Kine ki nongkitkam shnong ki lashah kem halor ka nongrim ba ki donkti ban pynbam eit briew ia u Bah Noping Khongsit uba la shah kynnoh men ai ksuid ia ki saw ngut ki kynthei ha katei ka shnong.
Ia kine baroh lai ngut la aiti sha ka Kashari hynne ka sngi hi, la ong u SP.
U Bah Noping Khongsit (60 snem) u la shah kynnoh ba ai ksuid ia saw ngut ki kynthei ha katei ka shnong bad halor kane ka nongrim ka shnong kum ka jingsneng ia u, ka la rai ban pynshitom da kaba pynbam eit briew.
Kane ka jingpynbam eit ka shnong Mawryngkang ka la leh ha ka 20 tarik Naitung.