Shah kem u pulit, ba ai tiar sha ka GNLA

Shillong,20 Iaiong:
Uwei u pulit Megh alaya uba dei na ka 4th MLP Battalion uba la tip kyrteng kum u Bithar stone R Marak u la shah kem ha ka sngi saitjain, utei u pulit jylla u la shah kem ryngkat bad saw ngut kiwei pat ki nong khaii tiar siat kiba la thmu ban pynpoi sha ka kynhun lehnoh ka GNLA. La kem ia kitei baroh san ngut da ki pulit Assam na Patharkushi. Kiwei pat ki saw ngut kiba la shah kem ryngkat bad utei u pulit ki long u Bikunjoy Longmailai, Horizon Gayari, Tapan Baishya bad u Joy Sonawal.
Kitei baroh 5 ngut ki la shah kem hadien ba ki pulit Assam na Jorhat ryngkat bad ki pulit ka nongbah Guwahati , ka Gajrag Militancy Intelligent bad 175 CRPF Battalion ki la pynlong ka jingkhynra kaba jur.
Na kitei baroh 5 ngut ki pulit ki la ioh kurup bun bah ki tiar siat, kaba ki la kit lyngba ka Haflong sha Goalpara hynrei ki la shah bat pat ha Patharkushi NH 37.
Ki pulit ki la ioh kurup ruh ka 110 AK 47, M16 20 feet, T.50,000 tyngka, ki kuli AK-47 bym pat pyndonkam bad kawei ka Bike Pulsar kaba don ia u Registeration Nombar ML 06 – 3510 kaba la pyndonkam da u pulit.
Kitei baroh kiba la shah kem ki don mynta hapoh ka jingtohkit ki pulit Assam.
Ka jingtohkit ka dang iaid shakhmat.