Shah kem U President MPUF

Shillong, 22 Nailar:
U President ka Meghalaya People United Front (MPUF) u bah Dapoiwanmi Laloo (23 snem) u la shah kem ha ki pulit ha kane ka sngi Palei hadien ba u la ujor da u Inspector jong ka CI Jowai Bah GU Wahlang ha Jowai Police station.
Ki pulit ki la ong ba ha ka step ka 17 tarik Nailar une u nongialam ka seng u la bat naphang ia ki dkhar kiba wan da kali na ka thain Karbi Anglong ka Assam sha kane ka jylla.
Ia u Bah Dapoiwanmi la kem halor ka nongrim ba u la ialam ia ki dkhot jong ka Meghalaya People United Front (MPUF) ban pynieng naphang ia ki kali ba wan na thain Karbi Anglong District, Assam ha 8th Mile (WJH) ha katei ka step.
Katkum ka khubor na ki pulit, ki dkhot katei ka seng ki la bat bakla ia 90 ngut ki bar jylla kiba dei ki nongbylla khlem kano kano ka jingpyndik na ka liang jongki. Ia kine ki bar jylla, ka seng ka la ialam ia ki sha ophis ka seng ban ai jingsneng ha Jowai. Bad hadien,ki la pynlait noh.
Halor kane, na ka liang ki pulit ki la kem noh ia u Bah Dapoiwanmi hynne ka sngi.