Shillong:Myn hynnin ka sngi ka 25 tarik u Rymphang 2021 ha ka por kumba 11 baje eiei mynstep, u Bah Arful Kharbani u ba dei u President jong ka Hynniewtrep Achik National Move ment(HANM) West Khasi Hills bad u ba long ruh u President jong ka Meghalaya Commercial Truck Owners and Drivers Association West Khasi Hills Unit, u la shah kem noh ha ki pulit ka Nongstoin, hadien ba ka la mih ka jingkynnoh ba u la don kti ban shoh ban dat ia uwei u Manager jong ka karkhana saiñ nar ha Riwiang West Khasi Hills.
Katkum ki khubor ba la ioh lum la ong ba katei ka jingjia ka la jia hadien ba u Bah Arful u la leit sha katei ka karkhana ban pan ia ka bill kaba dang sah, hynrei na ka liang u Manager, u la ong ba u la dep ban pynrung sha ka bank account bad u Bah Arful pat u la ong ba u khlem shim la ioh satia ia kata ka pisa.
Hadien kane la kynnoh ba u Bah Arful u la ktah kti bad la shoh la dat ia une u Manager ia uba la tip kyrteng kum u Mahesh haduh ba u la mynsaw bad la kynnoh ruh ba u la pynpait ia ka tv, ka mobile phone bad kiwei kiwei ki tiar.
Hadien ba la ioh pdiang ia kane ka jingujor na ka liang ki pulit ki la leit ban kem noh mar mar ia u Bah Arful kumba 2 shiteng eiei nohphaisngi, na ka iingsah ka jong u kaba don ha Mawkadiang katba u dang don hapoh ka kali ka jong u.
Phi don ban ong eiei?