Shah kem u nongtuh ksiar

Shillong,19 Naitung:
Ha ka 18 tarik u naitung ki pulit ki la ioh jingujor na ka Naina Chettri kaba shong basah ha Nongmensong ba ha ka 13 tarik mynta u bnai ha ka por 2:30 haduh 3:00 nohphai sngi haba ka la wan phai sha ing ka la lap ba u jingdeng ksiar jong ka uba shongdor T.13 hajar tyngka uba la buh ha Godrej u la jah.
Ki pulit ki la tohkit ia katei ka jingjia bad ki la ioh kem ia uwei u briew uba suba ba u dei uba la leh ia katei ka kam, utei u ba shah kem u dei uba la tip kyrteng kum u Raju Dorjee, 21 snem karta bad u dei ruh uba la shah kem teng namar ka kam tuh jong u. Da ka jingialam u Dorjee ki pulit ki la ioh biang ia utei u jingdeng ksiar na ing jong ka Neelu Sunar kaba sah ha Jhalupara,Shillong bad u la die ha katei ka briew ia utei u jingdeng. Ki pulit ki la ioh T.220 tyngka na met utei u briew katba ia ka pisa kaba lalut pat la ong ba u la thied rok.