Shah kem u nongtuh kali ba phong sa ki jain ba ioh tuh

Jowai, 25 Risaw:
Uwei u nongtuh ba triem bha, uba la tuh ruh ia kawei ka kali na Phramer ha kine ki sngi ba la dep, u la shah kem noh ha ki pulit ka Phramer Traffic Cell hynnin ka sngi Saitjain.
Utei u nongtuh u dei uba la tip kyrte ng kum u Dam ehi Dhar uba dei na ka shno ng, Mulieh 19 snem ka rta.
Utei u Damehi u la tuh ia kawei ka Bolero Pick Up na Phramer kaba dei jong u ma BM Shadap ha ka por 3:30 am ha ka 20 tarik une u bnai. U la phet krad da katei ka kali bad u la poi ha ka shnong Nangbah ha ka por sngi ha kawei pat ka sngi ha kaba u la tynrah ia kawei ka khynnah bad ka la mynsaw.Hadien kane utei u nongtuh u la kular ban leit shim pisa ban siew khnang ban kin pyllait ia u khlem kano kano ka jingujor sha ki pulit. Phewse, utei u nongtuh u la leit sha ka iing u ma Riyo Myrshiang ha ka shnong Mynso ha kaba u la kyndang ia ka iing jong u da u Lyngka bad tuh ia ka pisa 23 hajar ha ryngkat ki jain phong jong u.
Dei namar ba u la phong ia kitei ki jain bad wan poi sha Phramer ba utei u ma Riyo Myrshiang u la bat ia u ban ialam sha Thanad ha Phramer, hynrei mar synpoi ha katei ka thanad shwa ban hiar napoh kali, u la rynsied ban phet krat bad dei da ka jingiarap ki paidbah khamtam ki VDP ka shnong Phramer, la ioh ban bat bad ki pulit ki la kem ia u.Utei u briew u dei uba donkti ban tuh naduh ka shnong la jong. U la thuh na iing ka kong Ailin Dhar kaba na ka juh ka shong jong u- na Mulieh, u la donkti ruh ha bun ki kam tuh.