Shillong, 21 Naitung:
Ki pulit ka nongbah ki la ioh kem ia uwei u mentuh bad shi khung ki mobile na Paltan Bazar.
U SP (Crime) Bah Vivek Syiem u la ong ba une uba shah kem la tip kyrteng kum u Sunil Sunar ba khot sien kum u Kale Buro ba 23 snem na Paltan Bazar na Garikhana.
Katkum ka jingong u Bah Syiem, ha ka miet 05 bad 06 tarik Naitung 2015, ka kudam jong M/s Suman Transport, Paltan Bazar ka la shah pynpar ha kaba 61 tylli ki mobile Samsung ba shong dor T. 13,71,440/- ba dang wanrah na Guwahati ban phah sha ka M/s Tradesell Communication, Jhalupara ki la shah tuh.
Hadien kane, la ujor ejahar ha ka 06 tarik ha Lumdiengjri PS bad dei ha ka 20 tarik Naitung 2015, ki pulit ka Special Cell Shillong lem bad ki pulit ka Lumdiengjri PS ki la ioh ban kem suk ia u Sunil Sunar na Garikhana bad u la ialam ruh ia jaka buh mobile bad la ioh kurup biang sa tan 31 tylli ki mobile Samsung na iing sah jongu. Une u Sunil Sunar u trei ha M/S Suman Transport bad u la shim kabu da kaba pynpra ia ka kudam bad rong tuh ia kine ki mobile. Ki pulit ki la ong ba une u dei uba la donkti teng ha ki kam tuh ha ki por ba la dep bad na ka liang ki pulit ki dang pynlong ia ka jingtohkit ban kurup ia ki mobile ba dang jah.
Phi don ban ong eiei?