Shillong: Ha ka 17tarik mynta u bnai, U Branch Manager jong ka State Bank of India, Pynursla Branch, ula ujor sha ki pulit, ba uwei na ki nongtrei jong katei ka Bank, ula sei tuh ia ka pisa kaba haduh T.95lak, ha ka 13tarik Rymphang 2023.
Ki pulit ki la thwet ia utei u briew, uba donkti ha ka jingiatreilang jong ki dkhot jong ka iing jongu, ha ryngkat bad ki nongtrei jong ka Bank bad la ioh kem noh ia u, ha ka 19tarik mynta u bnai. Ka jingwad, ka dang iai bteng, ban lap ia katei ka pisa, kaba ula sei tuh, na katei ka bank bad ban tip, la ula aiti ne em sha kiwei pat ki briew.
La iathuh, ba utei u nongtrei, u bym shym la ai kyrteng satia, ula pyndonkam bakla ia ka password, ba la ai da ka Bank, ha kaba ula pyndonkam bakla ia katei ka pisa, ha ki bun bnai ba ladep bad ban sei tuh bad ban ialeh khalai lane ka online betting.
Phi don ban ong eiei?