Shah kem u nongtrei ka Hotel Pegasus

Shillong,20 Naitung:
2 ngut ki nongtrei jong ka Hotel Pegasus kaba don ha Khyndailad ki la shah kem mynta ka sngi ha ki pulit namar ka jingiap jong u Prokit Rabha u nongshet jingshet ha katei ka hotel. Ha ka 12 tarik u naitung la pynkit ia u Prokit Rabha sha Civil Hospital, Shillong da ki paralok nongtrei jong u hynrei hadien la pynkyn riah sha NEIGRIHMS bad u la khlad noh ha ka 17 tarik namar ka jingjur palat ka jingmynsaw. La pyntip ia katei ka jingjia sha ki pulit dei hadien ba u Prokit u la khlad noh bad la iathuh da ki paralok ba u ia treilang ba ka jingmynsaw jong u dei na ka daw na u la hap najrong katei ka Hotel.
Haba ki pulit ki la peit bniah ia ka metiap kim shym la lah ngeit ba ka dei ka jingur jinghap bad ki la bthah ia ki bahaing ba kin ujor sha ki pulit bad hadien ba la ioh jingujor ki pulit ki la sdang tohkit bad ki la lap ba ka dei ka jingshah shoh jong u ha la ki para nongtrei. Ha katei ka jingjia ki pulit ki la ioh kem ia u Vicky Chettri, 47 snem karta. Mynta ki pulit ki dang tohkit ban lap ia kiwei pat kiba donkti ban ialam bakla ia ki pulit.