Shah kem u nong Mukroh ba dung briew

Jowai, 4 Ialong:
Uwei u briew uba la tip kyrteng kum u Pualus Lamin (45) na ka shnong Mukroh u la shah kem ha ki pulit hadien ka jingthwet kaba bun bnai halor ka jingshah kynnoh ba u la donkti ban dung ia uwei u briew haduh ba u la jan pei snier ha u snem ba ladep.
Utei u briew la ioh kem mynta ka sngi da ka kynhun ki pulit ba kyrpang jong ka West Jaintia Hills na Riatsasim Jowai.
Utei u briew u la dung ia uwei u paralok jong u, u Sabit Thappa hadien ba ka la don ka jingiania hapdeng jong ki hadien ba ki la dep ban iadih. Utei u Sabit Thappa u la shah dung na Kpoh haduh ba u la shitom jur.
Ia utei u Lamin yn sa rah ia u lashai sha ka iing bishar.