Shah kem u MD ka Pala Group

Jowai, 19 Iaiong:
U Managing Director ka Pala Construction Private Limited, u Ioanis Pala u la shah kem noh ha ki pulit mynta ka sngi na Nongbah Shillong hadien ba u la phet rieh na duh u snem 2013.
Utei u heh duh katei ka Company u la shahkem halor ka jingdonkti jong u ban thok da ki bun phew lakh tyngka ia ki paidbah kiba la kynshew pisa ha katei ka company jong u.
U la jahrngai noh na Jowai hadien ba ki paidbah ki la ujor pyrshah ia u bad na ka liang ki pulit ruh ki la register mukotduma ia u hapoh ki kyndon 406/420/34 IPC.
Na ka liang ki pulit ka West Jaintia Hills ha u bnai August 2013, ki la tyrwa ruh da ka Khusnam sha kito ki nongai khubor sop sop ban tip ia ka jaka shong jaka rieh bad ban iohkem ia u.