Shah kem u GNLA bad 4 ki nongiarap

Shillong, 05 ‘lyngkot:
Ki pulit jong ka West Garo Hill ki la kem ia uwei u dkhot ka GNLA bad saw ngut ki nongiarap ha kane ka sngi Saitjain. U dkhot ka GNLA ba shah kem la tip kyrteng kum u Johny A Marak bad la kem ia u na Tura katba u dang wan ban lum pisa na ki nongkhaii. Ki pulit kham hadien ki la kem ruh sa saw ngut ki nongiarap hadien ba la ioh jingtip na utei u dkhot ba shah kem.
Ki saw ngut kiba shah kem ki long Gendaram Sangma, Nipin Marak, Krishna Subba bad Cherak Sangma. Baroh ki dei na shnong Mandalgre. Ki pulit ki la kem ia u Johny A Marak hadien ba la ioh jingtip kaba biang.
Ki la ioh kurup 7.65 pistol, 5 kuli, bad ki shithi dawa pisa ba mobile.