Shah kem u doktor pynduh khun

Hadien ka jingiap jong ki 14 ngut ki long kmie bad 16 ngut pat kiba don ha tmier ka jingiap, ki paidbah ki la ia mih madan ban pynpaw ia ka jingpyrshah bad ka jingpynrem halor katei ka jingjia, bad katei ka jingiakhih ka la poi shaduh u pud ba ki hap ban ia pyni bor bad ki pulit jong ka jylla Chhattisgarh, ha kaba ka la mih ruh ka jingiathang taiar bad ka jingiakhynniat kaba jur hapdeng ki paidbah bad ki pulit. Katei ka jingiakhih ka la mih tang hadien ba ki pulit ki la pynbna ba ki la kem ia u Dr. RK Gupta u doktor uba leh ia katei ka kam pynduh khun, ka daw kab ala pynbitar tyngeh ia ki paidbah katei ka jingiap jong kawei ka longkmie hadien ba ka shah puid pynduh khun, kaba ka jingiap ki longkmie ka la kiew na ka 13 sha ka 14 ngut.
U Dr. SK Mandal, uba dei u chief medical officer ha central Chhattisgarh ka jaka ba la leh ia katei ka jingpynduh khun u la iathuh ba la kem ia utei u doktor na ing ki bahaing jong u hadien ba u la phet rieh noh , u Dr Mandal, u la ong ba u Dr.Gupta u la leh ia katei ka kam pynduh khun 80 ngut tang hapoh ka 6 kynta, kaba long pyrshah ia ka jingbthah ka sorkar kaba la bthah ba ki doktor kim dei ban leh ia katei ka ka palat ia ka 30 ngut ha ka shisngi. Ia mynta u Dr.Mandal u la ong ba ki nongtohkit ki dang tohkit ban lap ia ka daw la ki nongshah sumar ki la ioh ne-em ia ka dawai ba ki die ban ioh ha katei ka por.
Katkum ka khubor pulit pat ki ong ba ki pulit ki dang pynkhreh ban kurup ia ki tiar ki tar ba u Dr.Gupta u la pyndonkam ha katei ka por, hynrei ki ar tatien ioh ym lap shuh pynban. Hynrei haba kren sha kawei na ki lad khubor u Dr.Gupta u la ong ba u la leh ia katei ka kam namarba ka don ka ingpynbor na ka sorkar jylla ban leh ia katei ka kam pynduh khun, “Kam dei ka jingbakla jong nga, dei ki bo rbahalor kiba pynbor ia nga ban pyndep ia ka thong ba ki buh” u la ong. U la batai ruh ba baroh ki longkmie kiba wan shah sumar ki la ud tlot hadien ba la ai dawai ia ki bad hadien ba la dep puid, “Ka jingpuid lei ka iaid beit iaid ryntih, kaab biang, hynrei kaba ar tatien ka dei ka dawai kaba la ai sha kitei ki longkmie-Nga la puid briew la slem bad kam ju don kano kano ka jingbakla” ong u Dr.Gupta uab la kynnoh ba dei na ka dawai kaba ktah ia ki longkmie.