Shah kem U Chidambaram, ha ki briew ka CBI na Delhi

U P Chidambaram, myntri pla pisa barim jong ka sorkar India, ula shah kem mynta ka miet, ha ki pulit jong ka CBI, na ka iing sah jongu ha Jor Bagh ha New Delhi.

Katei ka jingshah kem jongu, ka long hadien shi kynta, ba ula iakren bad ki kotkhubor ha ophis jong ka seng Congress. La ialam noh mar mar ia u Chidambaram sha ka ophis ba heh duh jong ka CBI, ha New Delhi.

Ki pulit ka CBI, ki la kiew ia ka kynroh jong U Chidambaram, ban poh sha ka kamra kaba u don bad hangta, ki la ioh ban kem noh ia u. U Chidambaram, ula shah kynnoh ba u donkti ha ka bamsap INX Media.