Shah kem u ba shoh ia u pulit

Shillong, 26 Risaw:
Ha ka janmiet sngi saitjain ki pulit ka West Jaintia Hills ki la kem ia uwei u briew uba la tip kyrteng kum u Kumar Sunar uba na Memory Colony, namar ba la kynnoh ba u dei u briew uba la shoh la dat ia uwei u pulit pyniaid kali shi taiew mynshuwa. Katkum ka jing iathuh ki pulit, Jowai ki la ong ba u sunar u la shoh la ia u pulit UBC/243 u Jame Sangma ha Lad-stadium katba u dang don hapoh ka kam pyniaid kali jong u.
Ha kawei pat ka khubor, ki pulit ka EJH ki la kem ia u Snut Phawa naka shnong Jalyiah namar la kynnoh ba u batbor ia kawei ka longkmie , 27 snem karta. Katkum ki tyllong khubor la ong ba katei ka longkmie ka la ujor ia katei ka jingsha batbor jogn ka ha ka dorbar shnong katba u Phawa pat ha katei ka por u la jah rngai na poh shnong. La iathuh ba u Phawa u la leh ia katei ka kam shi taiew mynshuwa hynrei la kem ia u da ki rangbah jong ka shnong ha ka sngi saitjain jong ka taiew na ki thain jong ka Sohkymphor bad la aiti noh ia u sha ki pulit ka Ladrymbai.