Shah kem U Area Commander GNLA

Shillong,3 Nailur:
U Area Comander ka GNLA u Rahul Sangma u la shah kem mynhynne ka sngi ha ki pulit commandos jong ka Meghalaya police SWAT unit bad ki shipai jong mynta ka sngi ha ka por 10 baje mynstep ha West Khasi Hills District. Ki pulit ki la iathuh ba ki wei pat ki dkhot ka GNLA ki la ioh phet krad noh.
Katkum ki tyllong khubor la iathuh ba u Sangma u dei u Area Comander jong ka Athyabari-Aradonga, West Khasi hills. Ki pulit ki la iathuh ba marsien iohi ia ki pulit bad ki shipai pahara u Sangma u la ther kuli sha ki hynrei ha ka jingiather kuli ba markylliang um shym la lah ban leh eiei shuh ha kaba la ioh ban khang kdong ia u.
Ki pulit SWAT hapoh ka jingialam jong u TC Chako, circle inspector of Williamnagar ki la ioh ban kurup kawei ka pistol na utei u nongialam ka GNLA.