Shillong: Ha kaba iadei bad ka jingpynbthei ia u bom IED ha ka janmiet jong ka sngi u blei kata ka 30 tarik u bnai Kyllalyngkot 2022, na ka liang ki pulit ki la nang ioh kem shaid shaid ia ki briew kiba la suba donkti halor katei ka jingjia ha kaba ha ka sngi Thohdieng jong ka 5 tarik u bnai Rymphang 2022, ki pulit ki la leit ban kem biang sa ia uwei pat u samla halor ka jingsuba donkti jong u ban pynbthei ia utei u bom IED. Katkum ki khubor la iathuh ba ki pulit ki la leit ban kem ia utei u samla na ka shnong Nongkya kaba hap hapoh Umsning bad haduh mynta ka tnad pulit ka la ioh ban kem haduh kumba 5 ngut ki briew kiba la donkti ban pynbthei ia utei u bom.
Shuh shuh ka jingtohkit halor kane ka jingjia ka dang iaid shakhmat khnang ban ioh kem sa ia kiwei pat kiba donkti lang ha ka ban pynbthei ia utei u bom. Na ka liang jong u Myntri Rangbah ka jylla u Conrad K Sangma ha ka 2 tarik u bnai Rymphang 2022, u la iathuh ba ki pulit ki la ioh ban kem haduh sawngut ki briew kiba la donkti ban pynbthei ia utei u bom IED ha Khyndailad bad u la ong ruh ba ka jingtohkit halor kane ka jingjia kan dang iaid shakhmat ban lap ksai ia kiwei pat kiba donkti lang bad kumjuh ruh ia ki nongiarap kiba la iarap ban leh ia katei ka kam.
Kem ia ki juh shi ki juh ka mut ba fi la kem good bluff for the police n the government