Shah kem sa uwei, ba thang BSNL

Shillong,8 Risaw:
Mynhynnin ka sngi ki pulit ki la ioh ban kem ia u wei u samla uba la tip kyrteng kum u Alanlas Khylliat ha kaba ia dei bad ka jingshang thang ka kudam ka BSNL kaba don ha Mawlai Mawiong. Hadien ka jingshah kem u alanlas ki pulit mynta ka sngi ki la kem biang sa uwei pat halor ka jingkynnoh ba u la donkti ha katei ka jingjia . U tei uba la shah kem u dei uba la tip kyrteng kum u Rodingston Mawlong . U SP ka East Khasi Hills Bah MH Kharkrang u la iathuh ba la leit ialam ia kitei ar ngut sha Ingbishar ha kaba ka Ingbishar ka la ai bor ba kitei ki 2 ngut kin hap 4 sngi hapoh ka jingtohkit ki pulit.
Ha kawei pat ka jingjia, Ki pulit ki la iathuh ba mynhynin ka miet ki la ioh ban kem ia uwei u briew uba la tip kyrteng kum u Jellybert Mawiong, 22 snem karta na 4 Mer Upper Shillong. U SP u la iathuh ba la kem ia u Bah Mawiong katba u dang pyrshang ban khang maw bad ban thang shaka hapdeng surok 4 mer. La kem ia u ha ka por 11: 30 baje mynmiet.