Shah kem  ki snar tuh Masi ha Mustem

Jowai,23 Jymmang:
Ki VDP ka shnong Mustem West Jaintia Hills ki la ioh kem ia ki ar ngut ki snar tuh masi ha Ri lum Jaintia, kine ki arngut ki dei u Ebormi Dkhar  bad u Sameduhki Rymbai  na ka shnong Wapung Poh shnong.
Hadien ka jingjah masi na ka por sha ka por na ki sem masi  ha shnong ha thaw ha kine ki sngi ki bnai  ba la dep ki VDP ka shnong Mustem ki la suba jur ba don ba wan tuh masi na shnong na thaw bad ki la sdang ban pynap shrip ,ha kane ka miet sngi saitjaiñ 21 jymmang ki VDP ka shnong Mustem kila kurup ia kawei ka kali Maruti 800 ka ba don u nombar ML05 M 7593 kaba ki i suba ia ka rukom iaid rukom ieng jong ka ha shnong ha thaw bad ha katei ka kali ki don 5 ngut ki samla ki ba kim ithuh ithaw.
Na ki 5 ngut kiba don ha katei ka kali 3 ngut ki la phet krad hynrei laioh kem tang ia kitei ki ar ngut kiba la lait phet kidei kiba la tip kyrteng kum u u Dawan Dkhar na Wapung u Tre Phawa na Pynthorsale bad u Kamai Dkhar katkum ka jing phla jong kitei ki ar ngut. Ha ka jingtian biashar ka Dorbar Shnong ha ka sngi u blei kitei ki ar ngut ki la phla ba dei ma ki kiba la tuh ar tylli ki masi na kane ka shnong dang shen bad ki la leit die ia ki sha Lad-Rymbai ha ka Dor T.14000 tyngka uwei u la iathuh shuh shuh ba ia kine ki masi ki la tuh ha ka por synñia bad kit ha ka Gypsy.
Ki VDP kane ka Shnong ki la kynnoh ba ki dei kine hi ki juh ki briew kiba tuh ia ki 3 tylli ki masi mynshem snem -ki jong u ma Trei,uwei jong u ma Lyios Talang,2 tylli jong u ma Hily Dkhar bad u wei jong u Tngenlang Lyngdoh dang ha kine ki taiew bala dep. Ka dorbar Shnong Mustem ka la Ujor FIR mynta ka sngi ha Jowai PS pyrshah ia kine arngut bad ia kita kiba la lait phet ruh, na ka liang ka VDP Wapung Shnong  hadien ba ki la ioh jingtip ba ki ne ki arngut ki la shah kem ha ki VDP ka shnong Mustem ki ruh ki la Ujor FIR ha Lad Rymbai Beat House pyrshah ia kine hi ki arngut  namar ba u Ebor Dkhar u la don kti ruh haka wei pat ka kam tuh masi ha ka Shnong Wapung, na ka liang jong u ma Refar Dkhar na ka shnong Demthring ruh ula suba jur ba dei kine hi kijuh kiba tuh ia ki 5 tylli ki masi ki jong u na ka shnong Demthring. Ki pulit jong ka jowai PS ki la shimti iaki ban pynlong ka jing tohkit. U Ebor Dkhar u la phla ruh ba u la shah kem teng ha ki pulit namar kajuh katei ka kam tuh masi.