Shah kem ki nongtuh masi

Jowai, 14 Naitung:
Ki pulit ka West Jaintia Hills ki la iohkem ia ar ngut ki snar tuh masi ia kiba la tip kyrteng kum u Rilang Synnah na Mukhap bad u Sngap Dkhar na Wapung.
Kitei ki ar ngut ki la shah kem ha ki pulit hadien ba uwei u briew uba la tip kyrteng kum u Bitnes Rymbai uba na ka shnong Ksehrynshang u la ujor sha ki pulit ba ha ka 12 tarik une u bnai ha ka por 1:00 baje dangstep phyrngap ki nongtuh ki la tuh 10 tylli ki masi na ka sem masi kaba don ha katei ka shnong.
Hadien ka jingtohkit ki pulit la lap ba kitei ki briew ki la donkti ba la kem noh ia ki bad la lap biang ia baroh kitei ki masi.
Kitei ki snar nongtuh ki don laingut bad uwei pat uba la tip kyrteng kum u Lang Sungoh na ka shnong Mowtyrchiah u dang jahrngai.