Shah kem ki nongkit dewiong ha Sohra

Shillong,
15 Jymmang:
Ar ngut ki nongkit dewiong ki la shah kem na Sohra  naba pynkhein ia ka hukum ka National Green Tribunal. Ki ar ngut kiba la shah kem ki dei u Andreas Thabah uba dei u nongniah trok, bad uwei pat u Alton Nongrum uba dei u nongbud trok. La rejis tar case ia kitei ar ngut ha Sohra Police station bad la pynngat ha ka kyndon ain Sohra PS case no. 12(5)14 u/s 188IPC. La rejistar case ruh pyrshah ia u trai dewiong u Sherborlang L Mawlong ha kaba u SP ka East Khasi Hills u la long ba u la pynkhein ia ki kyndon ain ka NGT , da kaba u kheii dewiong be-ain.