Shah kem ki ANCA na Mawiong

Shillong, 30 Naitung:
Ar ngut ki dkhot ka seng Achik National Cooperative Army (AN CA) ki la shah kem hynne ka sngi ha ki pulit. Ia kitei ki arngut la kem na kawei ka Night Super Bus na Mawiong hynne por 5 baje mynstep.
Kitei ki arngut kiba shah kem la tip kyrteng kum u Sengseng M. Sangma na Rari, North Garo Hills bad u James R. Marak u ba dei na Williamnagar.
U SP ka East Kha si Hills u Bah M Khar krang u la ong ba la kem ia ki, hadien ba kila ioh jingtip ba ki don ki lehnoh na Garo Hills kiba la pyrshang ban wan rieh sha Shillong ban lait na ka jingshah khynra ha ki pulit ha Garo Hills.
Katkum ka jingia thuh jong ki pulit kine ki donkti ha kaba siat iap ia u briew jong ka kompani BNC u Avijeet Mazumdar ha Garo Hills ha kine ki sngi ba ladep.
Ki pulit kila pyn long ia ka jingap ktem ha Mawiong bad ki la pynlong ia ka jingtalasi ia kawei ka bos ba wan Garo Hills.