Shah kem ki 5ngut na Guwahati, dei kiba shoh ia ki arngut ha Khyndailad

Shillong: Hynnin ka miet jong ka 19tarik Jymmang, 2023, ha ka por 10.20 mynmiet, U bah Iohborlang Kharsohnoh, uba don 27 snem ka rta, uba na Jongksha bad u bah Banshai Syiem, uba don 25 snem ka rta, uba na Laitkor, ula shah shoh ha Police Bazar point, da ki riew runar, ha kaba kitei ki la mynsaw bad ki la leit ban shah sumar ha Civil Hospital Shillong. Ki pulit ka Shillong Sadar, ki la shim ia ka jingtohkit, katba kum ka PS Case No. 115(5)23 U/s 307/324/326/34 IPC Act bad ki la sdang mar mar ia ka jingtohkit.

Ha ka jingtohkit jong ka Special Cell, East Khasi Hills, ha ka jing iatreilang jong ki pulit ka Guwahati City, ki la ioh kem ia 5ngut kitei ki runar na Guwahati.