Shillong: Mynta ka sngi, ha ka por 11baje mynstep, ki pulit Anti Narcotics Task Force (ANTF), West Jaintia Hills ki la ioh kem ia ka kong Graceful Sumer (37), kaba sah ha Caroline Colony, Jowai ha ryngkat 14.06 gram u heroine ba la thep ha ka jingsop sabon, ba la buh ha kawei ka dukan sha ha Iawmusiang Jowai. La kem ia katei ka briew bad la kurup ia utei u heroine, ha ryngkat ki sakhi. La pynngat kyndon ia ka ha ka U/S 21 NDPS Act bad ka jingwad ka dang iaid ban tip ia ka jingwan jong katei ka mar sha Jowai bad ia kiwei kiba donkti.
