Shah kem hynniew ngut, halor ka jing lait tuh ki jingkylli MTET

Tura:Hynniew ngut ki briew ki la shah kem, na ka jing lait tuh ki jingkylli jong ka eksamin jong ka  Meghalaya Teachers’ Eligibility Test (MTET), hynrei la ithuh ba u snar duh jong katei ka kynhun tuh jingkylli, u dang phet rieh haduh ha kine ki sngi.

Katei ka jing lait tuh ki jingkylli, ka la jia ha ka 3tarik Rymphang 2019, ha kaba la sam sha kiba bun bah ki briew, lyngba ka whatsapp.

Ha kawei pat ka liang, U Azad Zaman, U MLA jong ka Congress na Rajabala, ula kynnoh ia ki pulit, ba ki leit kem ia ki riew lui lui ha katei ka jingjia bad u iathuh ruh ba ki dei kitei ki samla, kiba la lap ia katei ka jing lait tuh ki jingkylli bad kiba la iathuh sha ki nong ap eksamin. U Azad, u dawa namarkata ban pynlong da ka jingtohkit jong ka CBI, halor katei ka jing lait tuh ki jingkylli.