Shah kem biang sa 3 ngut na Lawsohtun na ka huri hura rali RS

Shillong, 20 Naiwieng:
Ki pulit ka  East Khasi Hills distict ki la kem shuh sa lai ngut ki samla kiba la kynnoh donkti ban ther maw ha ka jingiaid paidbah ki rangbah shnong hapoh ka lama ka Synjuk Ki Nongsynshar Shnong Ka Bri U Hynniewtrep (SNSBH)  ha ka 5 tarik Naiwieng ha ka nongbah.
Hadien ba la kem uwei hynnin ka sngi, hynne ka sngi ki pulit ki la kem biang sa lai ngut ki samla na shnong Lawsohtun hi kiba dang hapdeng ka rta 18-21 snem.Katkum ka jingong u SP ka East Khasi Hills u Bah Mariahom Kharkrang ia kine ki samla la kem halor ka jingkynnoh ba ki donkti ban ther maw ha ka jingiaid paidbah jong ki rangbah shnong kaba la long ha katei ka sngi hajan Civil Hospital, Shillong.
Kiba shah kem la tip kyrteng kum u Batjingshai Lyngdoh (18 snem), Sylvester Khongji (22 snem) bad u Lambok Dohling (18 snem). Hynnin ka sngi ki pulit ki la kem ia u samla Goerge Rynjah 21 snem na kajuh ka shnong. Ia kine ki samlala phah sha ka Kashari ban pan jingbit ban aiti lai sngi sha ki pulit ban pynlong ia ka jingtohkit, la ong u SP.
Shwa ia kane, ki pulit ki la kam ba ki la don 20 ngut eiei ki samla ba donkti ban ther maw ia ki pulit ha katei ka sngi.