Shah kem ba shah kynnoh batbor

Nongstoin, 13 Risaw:
Kawei ka khynnah samla lud  kaba dang 17 snem ka rta napoh ka shnong Nongthliew, West Khasi Hills district ka la kam ba ka la shah leh beijot ha ki arngut ki samla kiba dei na katei hi kajuh ka shnong, bad katei ka jingjia kala jia ha ka 29, 30 Nailur bad ha ka 1 tarik jong mynta u bnai.
Katkum ka khubor na ki pulit la iathuh ba kitei ki ar ngut ki khynnah shynrang kiba la tip kyrteng kum u William Ryntathing bad Khraw borlang Ryntathiang ki la phla ba ha katei ka jingjia kam shymla don kano kano ka jingleh bor na ka liang ka jong ki hynrei ka dei da ka jingiamon lang.
Hynrei katkum ka jingujor bala wan ban ujor da ki ba ha iing jong katei ka samla kynthei mynha 4 tarik mynta u bnai ha Mairang PS la ong ba kitei ki samla ki la batbor haduh lai sien kynthih ia katei ka samla lud.
Hadien ka jingujor na ka liang jong ki pulit kila kem noh ia kitei ki ar ngut bala shah kynnoh batbor bad kila pynngat ruh ia ki ha ki kyndon ain, bad na ka liang jong ki pulit kin dang pynlong ia ka jingtohkit khnang ban lap ksai ia ka jingshisha.