Shah kem ba rah bor bad khap ia u shñiuh jong ka longkmie

Nongstoiñ:  Ki Pulit ka Nongstoiñ Police Station kila ioh pdiang ia ka jingujor na kawei ka longkmie kaba la tip kyrteng kum ka kong Daiakmenlang Wanniang 25 snen ka arta na ka shnong Lawse kaba la leit ban ujor pyrshah ia u wei u briew u ba la tip kyrteng kum u Badondor Wahlang 27 snem na ka shnong Mawkawah.

 Katei ka longkmie ka la kynnoh ruh ba u tei u Badondor Wahlang ha ka 11 tarik u Naiwieng 2019, ha ka por kumba 8:45 PM u la rah bor ia ka hapoh ka la local taxi ka jong u kaba don ia u number ML06 3930 na shnong New Nongstoiñ bad kit ruh sha Phodkynthei.
 Shuh shuh katei ka longkmie kala iathuh ruh ba u tei u briew u la shoh lah dat ruh ia ka bad khap ia u shniuh khlieh jong ka ha ryngkat ki jingbyrngem byrsit ruh ia ka da ki kyntien kiba khor.
 Ha kaba iadei bad kane ka bynta na ka liang jong ki Pulit ka Nongstoiñ Police Station kila kem bad register ia ka case bad pyngat ruh ia u tei u briew ha ki kyndon aiñ bapher bapher jong ka IPC bad ka jingtohkit halor kane ka dang iaid shakhmat.