Shah kem ba leit thang ngap

Shillong,25 Nailur:
Ar ngut ki bar jylla ki la shah kem ha ki pulit namar ka jingleit thang ngap jong ki khlem ka jingioh jingbit na ki trai jaka. Kitei kiba la shah kem ki dei kiba la tip kyrteng kum u Md Jahidul Ishlam, 20 snem bad u Debojit Das , 28 snem. Kitei baroh ar ngut ki dei na Barpeta , Assam.
U SP ka East Khasi Hills u Bah M H Kharkrang u la iathuh ba la kem ia kitei ki ar ngut na Green Hills Restaurant kaba don ha Polo Bazar ryngkat bad shi bilor ka umphniang sharak. La kem ia kitei katba ki dang thang ia u skum ngap ha katei ka jaka khlem ka jingbit na ki trai jaka.