Shah kem ba jrong kti kynthei

Shillong, 12 Nohprah:
Ki pulit ka nongbah Shillong ki la ioh ban kem ia u Fuzel Ahmed Gaqzi halor ka jingkynnoh ba u la jrong kti ia kawei ka khynnah samla ha Glory Plaza ha Khyndai Lad.
Hadien ba la ioh jingujor na katei ka samla, ki pulit ki la leit ban kem ia utei u bar jylla ban pynlong ia ka jingtohkit. La iathuh ba kane ka la jia ha ka por 3.30 baje noh phai sngi katba ki paidbah kiba ia rung ia mih ha katei ka jaka die jain ki dang ia bun kam ha kaba peit jain.
La tip ia ka kyrteng sin jong u kum u Vicky Ahamed u ba dang 33 snem ka rta. Ki pulit ki la shim khia ia kane ka jingujor bad ki la ioh ban kem noh ia u tei u briew.