Shah kem ba dawa pisa

Jowai, 22 Nailur:
Ki paidbah ka shnong Mupliang ha West Jaintia Hills ki la ioh ban kem ia uwei u briew uba la kynnoh donkti ban dawa pisa na ki paidbah nongshong shnong haduh T. 500 bad u la ioh na bun ngut ki nongshong shnong.
Ia utei u briew la ithuh kyrteng kum u Samuel Susngi na ka shnong Nangbah bad u la byrngem ia kito kiba kyntait ban ai T. 500 tyngka.
Ka khubor na ki pulit ki la ioh ba u la maham ia ki bun ngut ki riew paidbah ba lada kim siew satia ia katei ka pisa kaba u la dawa, un phah kem ia ki namar ka jingdawa pisa jong u ka dei namar ba la aibor ia u da u Commandant ka tnad Home Guard ka West Jaintia Hills District.
Utei u briew u la leh mynleh ruh kum u nongshna ia ka shula (Stoves) gas, la ong ki pulit.
La iathuh ba hadien ba ki paidbah ka shnong Mupliang ki la ioh ban bat ia utei u briew la aiti ia u sha ki pulit.