Shah kem ba byrngem nongialam shnong

Jowai, 10 Nohprah: Uwei u briew u la shah kem ha ki pulit Raliang, West Jaintia Hills halor ka jingdonkti jong u ban byrngem byrsit ia ki paidbah nongshong shnong ka Raliang kham tam eh ia ki nongialam shnong.
Utei uba la shah kem u dei uba la tip kyrteng kum u Ioobas Dkhar, u la shah kem mynta ka sngi. Ka khubor ka la iathuh ba utei u Ioobas mynta ha ka 1 tarik une u bnai, u la tim sih tim sang ha ka por miet bad rah da ka wait ban pom iap ia ki nongshong shnong bad ruh ia ki nongialam shnong.
Utei u briew u la bteng ia katei ka kam pyntriem jong u na ka por sha ka por ha kaba na ka liang ka bor shnong ka la ujor sha ki pulit bad ki pulit ki la ioh kem ia u mynta ka sngi.