Shah kem arngut ki bar Jylla, ba kit petrol bom ha Nongmensong Kemding ar tylli ki kali bad ka Ashram ha Mawprem

Shillong, 10 Nailur:
Mynta ka sngi, ha ka por 7.30janmiet, ki nong shong shnong jong ka Dong Lumshyiap, Nong mensong, ki la ioh ban kem ia arngut ki khar Nepali, kiba kyrteng U Abhay Das bad U Ricky Thapa, ha kaba la ioh kurup na ki ia u bilor plastic, uba don Petrol.
I Kong A Nongrum, President Seng Longkmie Nongmensong, haba iakren bad u nongthoh khubor, I iathuh ba ki nongshong shnong, haba ki iohi, ba kitei ki dkhar, ki iaid sharum shaneng, ki la don ka jing I suba sniew kaba jur bad kumta ki la bat noh ia kitei ki arngut ki dkhar bad mar kumta, la leit aiti sha ki pulit jong ka Nongmensong.
Katba dang iakren bad I Kong Nongrum, ha ka mobile, la knieh ktien sa kawei ka longkmie, ha kaba ka la sngewbitar ia ka jingleh ki pulit jong ka Nongmensong bad ka la ong “Ha ka por ba kem ia ki samla Khasi, la thep ia ki hapoh along, da ki bun bun kynta”. “La leh ia ki khun jongngi, kum ki lehnoh”. Ha kajuh ka por, ka ong shuh shuh “Kitei ki khyllah jait ki shong halor shuki” ha kaba ka iathuh ba la shu pynshong ia ki, hajrong shuki ha thanat Nongmensong, da ki bun bun kynta, haduh ban da wan shimti, ki pulit jong ka Shillong Sardar Police Station. Katei ka longkmie, ka buh jingkylli ruh, ba balei U OC jong katei ka thanat, u mih noh ialade na katei ka jaka, ha ka por ba shah kem ki bar Jylla, katba haba shah kem pat ki Khasi, u shong beit khop hapoh thanat.
Ing ka Anath Ashram LP Skul ha Mawprem
Ka skul Anath Ashram LP Skul ha Mawprem ka la jan kem ding mynta, ka janmiet haba ki runar ki la pyrshang ban thang ia ka ha ka kynta pakhang surokmiet.
Katkum ka khubor na ki pulit, ki suba dkhot jong ki sengbhalang ba khot pynlong ia ka pakhang surokmiet, ki la pyrshang ban thang ia kane ka skul. Hynrei na ka jingiohi kloi la lah ban tem, ka la lip noh ka ding. Ka iing skul ka la shu ing malu mala.
Ki pulit kiba leit wut wut sha katei ka jaka ban pynlong ia ka jingtohkit.
Kawei ka kali jong I Kong Muni Kharkongor ka la shah thang hynne ka janmiet ha ki runar ha jaka buh ha Nongmensong.
Kane ka kali Maruti Private (ML05G0373) ka la shah thang ha ka kynta pakhang surok miet jong ki sengbhalang.
Ki runar kiba thang ym tip satia bad ka kali ka la ing na ka bynta jong ka kjat (tyre) malu mala namar ba la iohi noh ban pynlip ia ka ding. Kham hadien ki pulit ki la lap ruh ia kawei ka kali kaba shang thang shaka ka ba ym tip trai satia ka kali kaba don ia u registerationnombar ML05 0655( Maruti Car).