Shah kem ar ngut ki nongkhaii ba die tiar siat sha ki GNLA

Shillong, 06 Rymphang:
Shah kem ar ngut ki nongkhaii tiar siat na kawei ka shnong kaba don ha South Garo hills district katba ki dang thmu ban ai ia katei ka tiar siat sha ki lehnoh ka Garo National Liberation Army (GNLA) ha kane ka sngi Balang.
Kitei ki ba shah kem ki dei na ka shnong Kherepara katba ki dang thmu ban leit sha Baghmara ban aiti ia kitei ki tiar siat ha ki dkhot jong ka GNLA ba la ialam da u Jack, la ong ka thymmei khubor na ki pulit.
Kine ki nongkhaii ki dei kiba la tip kyrteng kum u Chesrang D Sangma na shnong Betasing bad u Bardan Ch Marak na Oragitok. kunba 100 tylli ki kuli ha ki 32 tylli ki tiar siat la ioh ban kurup na kitei ki briew, la ong ki pulit bad ka jingtohkit ka dang iaid shaphrang.