Shah kem ar ngut ki dkhot ka UALA

Shillong, 30 Jylliew:
Ar ngut ki dkhot jong ka seng United A’chik Liberation Army (UALA) ki la shah kem ha ki pulit jong ka West Garo Hills ha kane ka sngi Saitjain ryngkat ki tiar ialeh.Kine kiba shah kem la tip kyrteng kum u Jintu Momin bad u Nirmal Ma rak bad ki pulit ki la kem ia ki na Rimrangpara kaba hap ha Dalu police station ka West Garo Hills district.
Ki pulit ki la ioh kurup ia ka 7.62 mm pistol bad ki kuli na ka met jongki
Ka UALA ka dei ka seng kieng atiar kaba pait na ka seng Achik National Volunteers Council (ANVC-B) ba la ialam da u Singbirth N. Marak uba ju khot sin kum u Norok ne u Tengton.